About this song
Dard Aur Dava Lyrics
Dard Aur Dava is a captivating Hindi Hip-Hop/Rap masterpiece, brought to life by the artistic prowess of Joshi G. The song’s lyrics and music are the handiwork of Joshi G, demonstrating expertise in both composition and production, capturing the essence of this creation through versatile talent. Dard Aur Dava was released on December 26, 2024. The song has captivated many and is often searched for with the query “Dard Aur Dava Lyrics”. Below, you’ll find the lyrics for Joshi G’s “Dard Aur Dava”, offering a glimpse into the profound artistry behind the song.
Listen to the complete track on Amazon Music
Choose your script
Read the Song Lyrics
Yeah, yeah
Dukhti ghadi mein yahan kaun mera saath de?
Maa se juda hoon aur banti nahi hai baap se
Main bhala aadmi, bura bana haalaat se
Hoon andheron mein khoya, mujhe koi toh aawaaz de
Ya phir na bhi de, ab mujhe kya hi farak
Maine rishton ko nibha ke seekha hai ye sabaq
Tu jisko sabse zyada chaahega, satayega
Wahi tujhe rulayega bana ke zindagi ko narak
Haan, yahi sachchaai hai aur maine yahi seekha hai
Aur seekha hai kitaabon se nahi, bhai, mujh par beeta hai
Yeh kaisa hi saleeqa hai ki kadve ghoont peeta hai
Aur muskura ke jeeta hai yeh Bhuvi dekho
Haan, lagta paagal ho gaya hai
Ise bhram hai, ya sach-much mein shayar ho gaya hai?
Jab se dard iski zindagi mein daayar ho gaya hai
Likhe dard bhi toh sunne waala qaayal ho gaya hai, kyun?
Kyunki sabka yahi haal hai
Yeh Bhuvi toh bas likh deta, yahi toh kamaal hai
Kisi ke liye pyaar hai jo, kisi ka malaal hai
Kisi ke liye zaaya hai jo, kisi ke liye woh roti-daal hai
Zindagi ke alag dhang dekhe
Mausam se zyada badalte maine aadmi ke rang dekhe
Gunehgaar ghoomte hue netaaon ke sang dekhe
Bhale aadmi bhi kitne jailon mein hain band dekhe maine
Maine dekha hai aulaad ko haath uthaate baap pe
Aur baap ko jeevan lutaate apni us aulaad pe
Yahan dekha maine bastiyon mein bachpan bina kapde ke
Kapdon ka dher dekha maine magar laash pe
Aur kaisa dost, jo dost ko
Giraane ke liye roz yahan chaal chalte hain
Maine dekhi aisi mohabbat jo mohabbat toh na thi
Khaali premi ek-dooje ko halaal karte hain
Koi yahan paison pe mar raha, kisi ko jisam ki hai bhookh
Koi mazhab ke naam pe daale praaniyon mein foot
Bhuvi ghista-ghista kalam khud ghis gaya
Lekin is kalam se kabhi likha nahi jhooth, aage sun
Yeh kaisi ghadi ho gayi
16 saal ki ladki bhi ab badi ho gayi
Use chaahiye followers, use chaahiye fame
Ab aadhi nangi woh Insta pe khadi ho gayi
Kya yeh sach nahi? Saare bandhan toot gaye
14 saal ke ladke ab nashon mein doob gaye
Kyon samaaj ke maayne saare peechhe chhoot gaye?
Aakhir socho toh kabhi ki hum hain kahan chook gaye
Bollywood yeh aadha vaishya-khaana ban gaya
Yeh kabootar naujawaan iska daana ban gaya
Likha sach jo, tere liye fasana ban gaya
Kya hi khoob aadhunik yeh zamana ban gaya
Bhole, dekh, insaan bhagwan ban gaya
Mere jaisa shakhs yahan bejubaan ban gaya
Mera shraap hi mere liye vardaan ban gaya
Bhuvi dard likhkar dawa ki dukaan ban gaya
Aur yeh likh raha hoon gaana baitha Diwali ke din main
Baahar diyon ka prakaash aur andhera mere dil mein
Aur in shabdon se ek diye ko jalaane ka prayaas
Tu bhi mere tarah, jo tujhe sachchaai dikhe inmein
Mere dost, koi nahi aane waala bachane tujhe
Khud hi hai sambhalna kyunki ghar bhi hai chalana tujhe
Raaste meint tere vyasan khoob milenge
Par yaad rakhna ki ghar ka chiraag hai jalana tujhe
Yeh toh duniya hai, rang dikhaaye
Aise haalaaton mein kaun kiska saath nibhaaye?
Haar ho sakta hai tujhe har mod par mile
Asal vijeta wahi hai jo ki aage badhta jaaye, aur…
Kabhi jeevan mein jo chinta sataaye
Kabhi bheed mein bhi khud ko jo akela tu paaye
Tab yeh sochna, yeh gaana maine likha tere liye
Ismein tere aur mere, hain dono ke bhaav samaaye
Peace out
