27

27 number beedi, kyunki daada piya karte the
Cigarette mein Capiston, kyunki daada piya karte the
Din ki chhe chai, kyunki daada piya karte the
Samaj ke liye seva, kyunki daada kiya karte the

Nahi badlega zamana, mujhse vaada kiya karte the
Oonche the vichaar, lekin saada jiya karte the
Jab maangta chawanni, mujhe na-na kiya karte the
Ve cancer ka shikaar toh woh aadha jiya karte the

Utaar hai, chadhaav hai, ek kaagaz ki naav hai
Naye ko sab samet de, purana sab bikaau hai
Jo na chala, pichhaad de, jo chal gaya woh daav hai
Khade hain hum yahan nidar, palli paar Kumaon hai

Jahan aayi bijli der se, us jagah mera gaanv hai
Jahan paani behta tez se, us jagah meri naav hai
Jahan ungli baithe dard uthe, us jagah mere ghaav hain
Kadakti dhoop mein chhaanv hai, us jagah mere paanv hain

Andhon mein kaana yeh raaja, tujhse aankhein churata
Batve mein photo chhupata, uska bas itna gunaah tha
Andhon mein kaana yeh raaja, tujhse aankhein churata
Batve mein photo chhupata, uska bas itna gunaah tha

Main toh khaali hoon, udti hui gaali hoon
Pehni hui baali hoon, jhoolti hui daali hoon
May mein main Dehradun, June mein Tharali hoon

Chal mere sang aali tu, khoon se Garhwali hoon
Jo devta pukaar de woh bajti hui thaali hoon
Jo sar ko hila de woh bheegi si kandali hoon
Jo baje ek haath se main woh waali taali hoon
Jo fal ki na kare fikar, sota hua maali hoon

(Main nashe mein toh hoon, main nashe mein hoon)
(Par ek hi baat bolun ki darne ka nahi jindagi mein)

Ab toh aadat hai jeene ki, khoon aur paseene ki
Mitti mein kankad ki, jwaala is seene ki
Bekaam thi khi-khi-khi, bemausam peene ki
Khud mein ulajhne ki, padhne ko AKP

Dekho saare milke shakal is kameene ki
Ghar pe daleelein ki, wajah di jeene ki
Qaidi khayalon ka, zurmana zindagi
Kehta hai khud ko, kehta ki take it easy

Andhon mein kaana yeh raaja, tujhse aankhein churata
Batve mein photo chhupata, uska bas itna gunaah tha
Andhon mein kaana yeh raaja, tujhse aankhein churata
Batve mein photo chhupata, uska bas itna gunaah tha